Келесі жылы Павлодарда 65 жаңа трамвай сатып алу жоспарланып отыр
Қазіргі уақытта мемлекеттік сатып алу рәсімі жүргізілуде. Осылайша, трамвай паркін 100 пайызға жаңартуға барынша жақындау көзделіп отыр. Сонымен қатар, 2027 жылы «Достық» шағынауданында жаңа трамвай желісін іске қосу жоспарланған деп хабарлайды irbistv.kz тілшісі.
«Достық» шағынауданында жаңа трамвай желісін салу мәселесі бірнеше жыл бойы талқыланып келді. Ал жобаны жүзеге асыру жұмыстары тек 2026 жылы басталды. Қазір мұнда жұмыс жүріп жатқаны байқалмайды. Дегенмен, қалалық әкімдіктегілер келесі жылы бұл бағытта трамвай қозғалысы іске қосылатынына сендіріп отыр.
Сонымен қатар, трамвайлардың жылжымалы құрамын толық жаңарту жоспарланып отыр. 2026 жылы Беларусьтен 10 жаңа вагон жеткізілді. Ол үшін тіпті Еуропалық қайта құру және даму банкімен жасалған келісімшартты бұзуға тура келді. Банк «Белкоммунмашпен» жасалған келісімге байланысты қаржыландырудан бас тартқан. Бұған санкциялар себеп болған. Нәтижесінде трамвай сатып алуға қаражат қалалық бюджеттен бөлінді. Дәл осындай жолмен 2027 жылы ең ірі сатып алуды жүзеге асыру жоспарланып отыр.
- Трамвай паркін одан әрі жаңарту аясында 2027 жылдың соңына дейін отандық өндірістің БКМ Т811 үлгісіндегі тағы 65 трамвай вагонын сатып алу жоспарланып отыр. Сатып алу қаржылық лизинг арқылы жүзеге асырылады деп жоспарлануда. Қазіргі уақытта ашық конкурс түрінде мемлекеттік сатып алу рәсімі жүргізіліп жатыр,-деді Павлодар қаласы әкімі баспасөз қызметінің басшысы Мақпал Қаржаубай.
Айту керек, биыл Беларусьтен Павлодарға жеткізілген бір трамвай вагонының құны салықтарды қоса есептегенде 440 миллион теңге болған. Ал 2027 жылға жоспарланған трамвайлардың қанша тұратынын әзірге тек болжауға тура келеді.
